الفرق بين الشباب والبنات في كل شئ

بسم الله الرحمن الرحيم


السلام عليكم ورحمة الله وبركاته



الموضوع معروف لكن ملاحضه: :بدون زعل

الفرق بين الولد والبنت ؟





الفرق بين البنت والولد اذا هم معصبين:
البنت ... تقطع كل علاقاتها بأهل البيت وتروح لغرفتها
وتقفل البابوتاخذ كتاب شعر وتقراه ولا تشوف فلم
درامي..

الولد...يكسر ويضرب الي قدامهويصفق بالباب
ويفرفر بالسياره -زين ماسوى حادث-

البنت والولد اذا كانواطفشانين:
البنت... تقعد على الكمبيوتر ولا تفرفر ب هالقنوات
ولا تقرقر على التلفون..

الولد... يستلم هالسياره يتهجول ويجول ولا يخلى شارع ماراحة يروح لمركز
تجاريونتم تعرفون الباقي..

البنت والولد اذا بينادون أمهم:
البنت ... ماما -مامي - مام-ماميتوا..

الولد ...يوووووووووه واذا تطورأمى

البنت و الولد اذا يبون فلوس:
البنت...من أمها تغسل المواعين وتنظف المطبخ ولا تخلى شى فى البيت مارتبتة
ومن أبوها ترتب أوراقه ولا تصلح له شاهي ولا قهوه

الولد...بالطقاقوالهواش..

البنت والولد اذا هم فرحانين :
البنت...تمشي وتوزع أبتسامات
الولد... يعشي ربعه..

البنت والولد اذا هم يروحون لمناسبه
البنت... تفرفر بالسواق لين تلقى لبس مناسب
وتقعت قدام المرايه ساعتين تلطخ على وجههاوتحوس هالشوشه
هذا اذا ما كان أربع ساعات

الولد ...يلبس ثوبه وشماغه او جينز ويبخ بالعطر ويمشي

البنت والولد اذا كانوا جوعانين
البنت ... تطلب من المطعم...

الولد... يرفس أخته ولاهي صاقعه بسابع جدار -من العنف-


اكرر (الزعل ممنوع)
الفرق بين الشباب والبنات اذا كنو في عزيمه

اولا: الشاب
1- يلبس الثوب والغتره
2- رشة عطر
3- يكشخ ويستقبل الرجال في الديوانيه
4- يقهويهم وابوه قاعد.
5- يروح يجيب العشا من المطبخ ويجهز السفره ويقلط الرجال
6- إذا راحوا يعلق على بعض المواضيع مع والده


خطوات وانتهى الأمر لكن تعالوا لحبيبتنا


البنت
الله يعيننا بس المهم
البنت إذا علمتها أمها بأن في عزومه تسأل امها من بيجي
1- تروح عند الدولاب تفكر وش تلبس
2- تقرر الفستان إلي بتلبسه
3- تلبس الفستان
4- تتذكر حنان(((أوه شافتني لابسته في العزيمه الفلانية)))
5- تبطل الفستان
6- تلبس التنور
7- تتذكر ليلى (((أوه شافتني لابسته في العزيمه الفلانية)))
8- تقرر بعد خمس لبسات تلبس فستان اختها لبسته
9- توصل عند المرايه الساعه خمسه
10- وتتمكيج وتنتهي وجهها فوقه كيلو احمر وخضر (((الساعه سبعه)))
- تلبس إ**سوارات على نفس لون الفستان (((ملاحضه: يمكنك أن تشتري من عندها لكثرت ا**سواراتها وبالتقسيط المريح))) الساعه ثمانية
12- امها تطق الباب ((اطلعي بسرعة الضيوف وصلو))
13- قررت وأخيرا أن تخرج
14- تفتح باب غرفتها عند الساعه التاسعة
)))العشا بعد نص ساعة (((
15- تشوف الزحمه في الصاله
16- تستحي تدخل تسلم وتوقف بحيره((يا ربي استحي))
17- امها ادخلي ليش واقفة
18- تقرر أخيرا أنها تدخل تنسى أول واحده ما تسلم عليها وتسلم عاللي بعدها
تنتهي من السلام بعد ما طاحت فوق الم**رات والتمر و**رت كم فنجان قهوة
امها تقلط الحريم على العشاء وإذا راحو الضيوف وتجي البنت تقول لأخوها
ياربي تعبنا طول الوقت نشتغل باروح انام ...


اكرر (بدون زعل)

الفرق بين الشباب والبنات اذ ران جرس الفسحه

اول ما يرن جرس الفسحة
- تشوف شلة بنات داخلين الحمام .. اللي تعدل شعرها والثانية تعدل كحلها وكل وحدة منهم تسولف عن اللي سوتا في اخوها الصغير امس ..
- وفيه بنات يلبسون نظارات شمسية جديدة (توهم شارينها من أبو ريالين) يستعرضون فيها وإذا زلت بنت لا قدر الله وسألته عن ماركة النظارة تنطط الأرانب وتقول والله من كرستيان ديور أو شنل وتقوم تطلع كلللللللل أرانبها الماركة أصلاً هي (بسطتهم اللي جنب البقالة اللي قدام البيت)
- كل بنت تمشي وفمها كافي ( شكولاته ) واذا عطيتها شبس تقولك : سوري .. انا مسوية ريجيم .. ( الله واكبر ) .. اول ماترجع البيت على طول الا ودق على المطعم
- والبنات الاذكية ( اللي مهتماااااااااااات ) اول مايرن الجرس تشوفها داخلة غرفة المدرسات تبي الاستاذه تشرح لها الدرس اللي كانت هي متغيبه فيه
- وبعض البنات اتشوفهم متحذفين ورا اللوكر يحلون واجب الرياضيات اللي ماحلوه في البيت ..
- اما الاهم .. تشوف بعض البنات يستأذنون من الحصة قبل البريك بثلاث دقايق ويركظون الكافتيريا –يحجزون لهم مكان – واول مايرن الجرس الاكل كله مخلص مافيه الاعصير يتهاوشون البنات عليه واخرتها يطلع منتهي ......



ثانيا الشباب:


خلونا من البنات وانروح انشوف وش يسووووون الشباب في الفسحة ..
- تحصل واحد منهم نايم طول الحصة واول مايرن الجرس يدعي على اليوم اللي دخل فيه المدرسة ( لان حلمه انقطع بسببهم )
- واثنين من الشباب ينتظرون متى يروح المدير اللي صار له واقف ساعة قدام الصف واول مايتحرك خطوتين يشلون شلايلهم وينطون من الطوفة ويشردون من المدرسة ويمرون على كم محل في طريقهم وبعد نص ساعة يرجعون المدرسة ..
- وشلة تروح وره المدرسة يدخنون لين ما يقولون بس وما امداهم يشفطونها الا واحد كشخة رايح يفتن عند المدير وما يوعون الا المدير حابسهم في غرفة الاحتجاز ويسوي تليفون حق ابهاتهم .
- اما واحد تشوفه فارش غترته على الارض ويكمل رقاده ( لان طول الليل مارقد يشوف فلم ويالس ع المسن والا يرمس ربيعته وله يلعب بليستيشن

اكرر (بدون زعل)

الفرق بين الشباب والبنات في سوقت السياره

مشاوير:


الشاب الى: الدوام + البيت + البقاله + استراحة الشباب + مقاهي .
مشاوير البنات: الصالون + الشغل + السوق + عزاء + عرس + البحر .


- الاغراض المتواجده دائما في السياره :


في سيارة الشباب : غتره على كرسي + عقال + مناديل معفنه+ ولاعه ..
سياره البنات :نقاب + مناديل كلها روج + علك مستكة+كعب مكسور+ مجلة سيدتي.

- في جيب الكرسي :

سيارة الشباب: اشرطة + زقاير + ولاعه + ورقة مخالفه + مسواك + ورقة بلوت .
سيارة البنات : روج+ كحل + حلاوه نعناع + مثبت شعر+ شباصات.


شنطة السياره:


الشباب
اوراق وكتب الجامعه + علبة فيري منكبه + شيشة ومعسل + ثياب من اخر طلعت بر .
سيارة البنات: فازلين + مرطب+ حبل غسيل + خخخخ



السوالف في السياره:

الشباب : كيف الاسهم اليوم ؟ شفتوا مباراة ريال مدريد ؟ الدكتور اليوم ماحضر؟

البنات : يووو ماشفتي فلااانه ترى سقطت ياحسسسسسره ؟ شفت فلانه لابسه ساعه ماركه يوو تقولين كانه زوجها يغرف فلوس من البحر؟



- اذا بيعبي بنزين:

الشاب : عب فل ياصديق!! وآخر شهر : عب بـ 10 ياصديق .. ويا ويله الهندي لو عب بنزين خصوصي لوول

البنت : عب ب40 بنزين وبخمسه ماي ورد!!


- عند التقاطع :


الشباب :ما يطالع يمين ويسار الا نادرا .
البنات:تطالع يمين ويسار 20 مره .



- اثناء السياقه :

الشباب : مّبعد الكرسي لين اخره كنه منسدح وهو يسوق .
البنات : ملزقة مقربة الكرسي لين اخره كنها سواق لموزين.


اثناء الانتظار عند اشارة المرور:


الشباب :
يتحكك كانه توه قايم من النوم.
البنات : تصلح شعرها.


- وضع الجسم اثناء السياقة:

الشباب : متكي يد ويسوق بيد ويدعس برجل والثانيه رافعها الى مستوى المكيف و شوي ويطلعها من الدريشه.
البنات : حاضنه الدرقسور بشكل كنه طوق نجات.


- اثناء السياقه وجا بيسلم على واحد :


الشباب : يضرب بوري خفيف او كبسه او غمزه.
البنات : تعلق عالبوري , وتقول: منال حبيبتي وش اخبارك



- اثناء كتابه المخالفه :

الشباب : اقسم بالله ماقطع الاشاره والله ورب الكعبه وربي , على الحرام اني ماقطعتها ياجعلي اموت الحين كاني قطعتها . هههه

البنات : بلييز الله يخليك لأهلك لا تعطيني مخالفه بليز بليز,, وهي تناقز . هههههههههههه




- اثناء الحادث :


الشباب : وش في امك انت ماتشوف زين ؟
البنات : سوري بس شكلك ياحرام ماشفتني وانا معطيتك اشاره


- اثناء السواقه و أحد السيارات حدك :


الشباب : اسفط على جنب يابن ال؟؟؟ انا اعلمك وش لون تسوق يا ولد ال ؟؟؟؟,
البنات : ياحقييييييييييير يا حقييييير ماتشوف زين , روح جعل ريح تنشبك في لمبه انشالله.


- اثناء التفتيش:

العسكري لشباب : الرخصه والاستماره ووقف على جنب وطلع المخفي ..

العسكري للبنات : ام ياحياة الشقا وين اروح انا الحين ,روحي دربك خضر هههه


- اثناء السياقه و واحد من البيبيات يصيح :


الشباب الله انطم لا اوقف وامسطك بالعقال ياللله
البنات : يالله, بابا خلاص لاتصيح عشان اشتري لك حلاوه

اكرر (بدون زعل)

الفرق بين الشباب والبنات في سحب الفلوس من الصراف


عند الوصول الصـــــــــــــــــــــراف



الشباب:


2. يدخل البطاقه

3. يدخل الرقم السرى والمبغ المطلوب

4. يأخذ الفلوس والبطاقه


.................................................. ...............................

البنات:

1. توصل مع السواق للبنك

2. تعدل نقابها والشيله قبل ماتنزل من السياره

3. ترش عطر

4. التشييك اليدوي على العباءة

5. تشوف الجوال فيه ارسال والا لا

6. تدور على البطاقه فى شنطتها

7. تدخل البطاقه وترفض من قبل الصراف

8. تعدل نقابها فى مراية الصراف

9. تدور على بطاقه الصراف الجديده فى شنطتها المليانه

10. تدخل البطاقه

. تدور على ورقه مكتوب عليها الرقم السرى داخل شنطتها

12. تدخل الرقم

13. تقرأ مسج وصلها بالجوال

14. تلغى العمليه بسبب تأخرها فى ادخال المبلغ المطلوب

15. تعيد كتابة الرقم السرى

16. تطلع لها رساله بشاشة الصراف ان الرقم السري ملغى

17. تكلم اخوها او اختها عشان الرقم الصحيح

18. تدخل المبلغ المرغوب

19. تنتظر

20. تدخل المبلغ مره ثانيه

21. خطاء

22. تدخل الرقم صحيح هالمره

23. تطقطق اصابعها

24. تاخذ الفلوس

25:تدخل بطافة ابله منيره

26:تدخل رقمها غلط

26:تتصل عليها تسئلها عن الرقم

27:تدخل الرقم مره ثانيه

28:تتصل عليها مره ثانيه تسئلها تسحب الراتب كامل ولا لا

29:تدخل بطاقة انفاس العنود وتكرر نفس الخطوات السابقه

30:تدخل بطاقة ساره..وتكرر نفس الخطوات السابقه

31:تدخل بطاقة .حمده.وسلمى.وعتيقه.وتكررنفس الخطوات السابقه بس هالمره ترسل رسايل جوال بينها

32. ترجع الى السياره

33. تشٌيك على شكلها فى المرايه الاماميه

34. تشوف الجوال فيه ارسال والا لا

35. ترش عطر

36. تقول للسواق امش

37. بعد خمسين متر تقول للسواق وقف

38. ترجع الى الصراف

39. تنزل من السياره

40. تاخذ البطاقه من الصراف

41. ترجع الى السياره اذا ابو هنود يحتريها ولا تتصل عليه يرجع لها

42. ترمى البطاقه بداخل الشنطه

44. تشٌيك على شكلها فى المرايه

45. تشٌيك يدوى على شعرها

46.تطالع على السرى الي وراها تموت من الضحك على طوله..

46. تقول للسواق خلاص امش

47. تطول على المكيف

48. تروح للسوق وتحرق الفلوس فى ثانيه

اكرر (بدون زعل)

الفرق بين الشباب والبنات بعد الحلاقه

نبـدأ بـ : الـبـنـات



بداية الحوار :





الأولى : الله ، قصيتي شعرك !! والله طالع يهبّل !

الثانية : شايفة كذا ؟ بس حسيت يوم شفت

نفسي في المراية انه منتفش ..!


الأولى : لا والله .. الا طالع يجنن ، وانا ودي بنفس التسريحة بس

احس ان وجهي مليان شوي ولا

تمشي معي هـ التسريحة ، واشوف انه ما يمشي مع هالخشه الا هـ التسريحة اللي تشوفيني

دايم فيها .


الثانية : من جدك انتي !! انا شايفه ان وجهك وش ملحه ،

وتمشي معه كـل التسريحات وتطلع احلى بعد ، موب زيي .. ما أقدر اختار الا تسريحات معينة

تخلي الناس ما ينتبهون لرقبتي اللي كنها رقبة زرافة .


الأولى : وش هالكلاااام .. والله رقبتك حلوه وودي بمثلها عشان

تصرف النظر عن كتوفي اللي كنها كتوف لاعب الفوت بول الامريكية .


الثانية : أبد منتي صاحية وانا اختك ، والله كل البنات اللي اعرفهن

في الجامعة يتمنون كتوف زي كتوفك ، يعني ما تتعبين في تجربة الملابس الجديدة .. يعني

معليش .. شوفي يديني وش صغرهن .. لو لي كتوف زي كتوفك كان ما تبهذلت اذا شريت ملابس

جديدة وتطلع قياساتها مضبوطة ..!





" انتهى الحوار "






===============







بالنسبة : للشباب




بداية الحوار :


الأول : قصيت شعرك ..؟!

الثاني : ايه .





" انتهى الحوار "


اكرر(بدون زعل)

تحيتي لكم ولا تنسون الردود